Iris Sasa / Beauty Recipe

牙骹(TMJ)痛左幾日....今日真係求同事幫幫手...佢的手法...真係令我痛不欲生...但真係好左八成 一來今個星期考試，壓力大；二來因為箍牙都幾影響牙骹的肌肉，不自主咁咬緊牙關。 今日４月１４日（第９個月）～又去ＣＨＥＣＫ　牙了 一路俾姑娘，醫生整的同時，其實都幾怕令牙骹痛的問題增加， 但更麻煩的事發生－－甩膠粒！！！！ 不嬲有鐵線就唔知佢甩，一甩開鐵線，以為有咁大粒食物留係牙縫，想吞唔吞的時候，決定拎佢出黎，點知原來係膠粒！！ 好擔心會再一次影響個進度，因為上次已經換唔到鐵線，不過好在最後都成功～換到一條強力鐵線～Ｄ　牙好冤呀～～哈哈

由去年八月開始上牙箍！一路睇住佢地的轉變，但就無影低相留念，今日就影竹返一次啦！ 一開始拔牙一兼拔左四隻，但本身牙仔大粒，口又唔大，即使拔左四雙牙，智慧齒一粒都出唔到！不過都好，唔好太麻煩！ 而今個月3月21日！ 係我第一次甩膠粒（大臼齒係鐵粒先岩），甩唔係因為我的問題，只係要換鋼線，可惜食唔到力，去到最後都係甩左，即場發現要換返舊線！感覺上好似白等一個月！唉！