箍牙月記+underarm laser

12／5
今日好忙。三點半趕出中環去度制服！

度完已經囡點半，坐叮叮到灣仔，想起同事介紹去稱美做激光脫毛優惠，見仲有時間就即管去報名。999一年任脫。好吸引！
本身牙醫約左五點半，所以都係想上去報名啫，點知職員話好快，五分鐘搞掂脫埋毛，無理由去到又唔做埋！就係咁，係完全無心理準備下做左第一次激光脫腋毛！

好彩之前都有試過做激光，所以過種中無咩唔舒服，有啲味，有啲痛，不過我得架！
雖然無人地其他専業脫毛中心咁詳盡，不過係一分錢一分貨下，二萬同一千的比較之下，我覺得真係要俾個"讚"呀！

最緊要都係平靚正，又做到我想做的野！
期待下次再去，仲要介紹身邊人，因為優惠做到五月尾！


五點鐘！做完坐叮叮去銅鑼灣，等車等好耐，一上車。。。嘩！落狗屎呀！好彩上左車！

五半落車，停雨了，真係好運！


今日的箍牙，主要係補門牙。
我蛀牙呀＞＜！
蛀門牙真係好醜怪！

因為門牙關係...要甩埋上排有勾的綱線.....!!!
激死....會唔會又拖慢呢??

[Posted with iBlogger from my iPhone]