22／9~29／9 我的北海道計劃行程！+ sample 大集會

九月尾去北海道，由九月頭開始已經處於holiday mood
所有心思都shift左去plan 旅行的事，
之前因為機位問題，曾經小度擔心，好在身邊有不少baby~
仲有唔夠一個星期
機票，酒店，車，保險，行程，都一一搞掂，
因為去一個星期之多，所以臨行前要做好多功夫。
好多試用都無得試之餘，亦要清一清文債。

先讓大家看看我的行程，超級緊密。
第一日，香港→札幌(住札幌)
第二日，札幌(取車)→定山溪(拜見河童大王)→登別溫泉(地獄谷，大湯沼) (住登別溫泉酒店)
第三日，登別→洞爺湖→二世古(神仙沼看紅葉，高橋牧場飲牛奶)→晚上到小樽入住酒店
第四日，小樽(天狗山，運河，食壽司，悠閒的一天~)
第五日，小樽→層雲峽(上大雪山) 晚上亦住溫泉酒店 ((((同日係我生日呢~~~嘻~))))
第六日，層雲峽→富良野(?睇下仲有花睇 OR 葡萄酒節)→札幌
第七日，札幌SHOPPING DAY (小觀光啦XD)
第八日，札幌最後衝刺→回香港

計劃行程時本來想去埋網走，睇九月尾獨有的紅珊瑚草，
但大遠大浪費時間，最後只好忍痛了~!!!
唔知大家有無相關北海道經驗，好好傳授小妹~

另外就係~~
去旅行亦人一個好好利用SAMPLE 的時間，
除左一些原有的SAMPLE 外，
都四出貪小便宜一番，
無他，我去旅行會當順道幫屋企做五常...
衫褲，護膚品，能用到係當地掉就掉，
帶一堆戰利品，新品回來~


我的SAMPLE 大集合!
有右手邊的natio 旅行set，話過要帶你去旅行的~

我很愛的DIOR，BASE+粉底+干粉的SAMPLE

其中干粉的SAMPLE非常有誠意，唔係一張紙一次性的sample
粉餅有食3g 係正常粉餅的1/10 左右~

除左粉底，也有精華，BB CREAM (其實都可以帶埋原有的BB CREAM，應該好快用哂~)


也有GUERLAIN 的精華，眼霜
有位baby 大愛這牌子，等我今次試下先

只有之前去aster spring 的dermalogica終於有機會用了

fancl cleansing oil

早2日係shu facebook 的sample 活動，
有綠茶cleansing oil, essence 同新配方的粉底

biotherm aquasource 保濕唔嫌多

mioggi 最新的bb cream又可以試新野了~

當然唔少得我的至愛~clinique 3 steps 少左佢就硬係差少少~
亦有最新的Even better clinical !!! 應該試唔出效果~不過帶埋去用XD

最後啦~平日係屋企就用MSE, 但出門的話，一罐又重，分裝又太少。
我就多數會帶少set 裝入面的eye gel, 搽返去D 乾食的位置。
用過好多支eye gel 都係俾我當係隨身mse 用~
出門唔少得佢~~

除左sample外，都一定會帶足夠份量的paper mask
用唔用得哂係一回事，但一定要帶
(但亦有少少私心，日本護膚品,....去到先買好唔好呢~~~奸笑~)
多謝收看~~
IRIS 要繼續HOLIDAY MOOD~~