我也入手了~我的美麗日記~蝸牛面膜 取得連結 Facebook Twitter Pinterest 電子郵件 其他應用程式 12月 10, 2011 今日考完試行經萬寧,一日想自由行下,點知。。。會員95折。。 LOREAL MAKEUP75折。。。 再發現=3=。。美麗日記蝸牛面膜。。。 好多SIS 都讚好。。 我見貨架得返小量。。 就順手拎起2盒啦!! 盛惠$69/1盒~ (無得再會員95折>"<) 面膜分下面STEP 1: MASK STEP 2: 就係上面的修護霜~都幾得意呀~! 一盒8塊~~ $138~2盒~16塊~ 仲連修護霜~有排我用 哈XD 取得連結 Facebook Twitter Pinterest 電子郵件 其他應用程式 留言
親身體驗~水刀抽脂+自體脂肪移植(1):已經三星期啦~ 6月 01, 2013 Iris 真係一個天不怕地不怕 (除左怕曱甴)的女生~ 今次就親身體驗「 水刀塑身 」這門新來港的技術! 這個技術不算得上新的技術,台灣的藝人普遍都做過水刀塑身,如雞排妹~小CALL 等等 但對香港來講,就算是新引入啦~! 有關水刀塑身的資料~可回顧我之前出席活動的BLOG~ http://blog.yahoo.com/iris_sasa/articles/1051069/index 而用上水刀抽脂的最大好處,就係抽脂的創傷性比傳統式抽脂小,恢復時間快 抽出來的脂肪,經處理後可直接用來進行移植~而移植去邊? 你懂的! Iris 5月11日~ 就到了 仁安醫院 進行水刀抽脂+脂肪移植的手術啦~ 當然係手術前已經Consult 過整型外科的醫生啦~ 今次為我進行手術的醫生~ 是 張永融醫生 ~以及~ 彭志宏醫生 準確入手術室,心情超級緊張~ 今次手術目標:抽大腿內外側脂肪,下腹脂肪,移植到胸~~XD 過程:全身麻醉 約2點進入手術室,經麻醉科醫生進行初步評估~ 就可以進行麻醉了~(09年我己經進行過全身麻酸醉切扁桃腺~無敏感問題,所以好快就完成程序) 全身麻醉,需要打Hep Block~麻醉藥會經Hep Block 入血~感覺是有一點痛,但一覺痛的時候,就已經...睡著了~! 約5點鐘,我就睡醒可以返病房了~返到黎己經著住「壓力衣」了~~~~ 當日感覺:雙腳有點酸痛,但口渴要飲水!!落地~無問題 而胸呢??脹卜卜~比谷M脹足10倍~!! 5月11日~手術後第二日~ 除左壓力衣洗傷口,大腿好瘦~wow!! 每日要洗傷口,食抗生素,著壓力衣....開始我的術後生活了! 但好動的我,第二日己經忍唔到要出院啦~還我自由!!! 5月12日 >星期一< 我已經返工啦~行樓梯,同病人行路都無問題~ 大腿感覺會點脹脹,敷冰消腫+壓力衣+壓力襪 這方面,我還是Professional 吧~ 5月13日 行得多左~隻腳開始有水腫了~~ 比之前睇落無咁瘦呀可? 又到專業時間,大腿內側勁瘀點算好~ 用左「肌內效膠貼KinesioTapeing」幫忙散瘀~ 咁樣貼法,可以好快引啲瘀出黎架~ 短短3日~啲瘀就走哂出黎啦!!! 另一消腫方法~倒吊!! 閱讀更多
吉吉島12$ 女性清潔劑~洗血跡。快。靚。正。 10月 05, 2011 尋晚同朋友去飲酒,去完洗手間出黎突然流鼻血, 第一反應係用接血,跟手就係搵紙巾啦, 但可憐的外套已經留有血跡。 一路以來,血跡都係難於清洗, 首先,一有血跡就要快啲清理,如果唔係蝕入布就好難清。 第二,最好就用溫水洗血跡,會比較易清。 之但係,好多時都會留左個血印... 而女仕們可能每個月都會面對血跡的問題... 我就一年入面至少有半年都會中招... 所以好怕買淺色的under..... 講返件外套,尋晚飲完酒返屋企,除左瞓之外就唔想做其他事, 又點會得閒去洗血跡呢。 醒左之後,望見血跡又唔多想理... 呢張相係...晚上10點影架啦...仲係鮮紅色的-0-,,,但已經錯過左「最佳清洗時間」啦!! 真係唔想為左一滴血放棄一件衫呢~ 好在~~~今日同家人係觀塘食生日飯, 去左APM 底下的吉吉島"前"10蚊店...而加的生活廣場 俾我發現到一點好野~ 女性專用洗劑...!!!($12/80ML) 寫到明一明...專洗生理期血跡~& 分泌物.... 明顥為洗底底而設呢XD~~~ 日本製造~!!!!(GOOD!) 唔理佢洗咩血啦....睇下對我件外套的血跡有無效好過啦~ 1. 血跡位置濕水 2.滴少少清洗劑落去 3.手搓起泡~(泡泡好少~!) 4. 過水~~~YEAH~~血跡唔見左...仲無印添!!! 我件衫復活了 (樽身說明話要過埋機~不過用手搓幾下就已經KO 左血跡,急不及待要SHARE 呢~) 其實吉吉島就有好野架~ 呢支女性清洗劑的同門產品,係好多SIS 都介紹過的粉樸清洗劑, 同樣係$12~ 佢的清潔能力~仲好過BB的清洗劑呢~ 雖然10蚊店加哂價, 不過仲有好多野係值得買的~! 閱讀更多
Happy Fish Many Happy Fish~ 5月 29, 2011 我家的咸水魚缸~ 咸水魚令我覺得,海底的生命真係好奇妙,魚、珊瑚、海葵、寄居蟹,顏色鮮艷奪目,真係好靚! 第一日要介紹的魚就係《海底奇兵》入面的 NEMO ~MO仔啦~ 品種係 小丑魚 ~真係好得意~游緊的時候魚左右擺動~好似扭腰咁 同埋佢好識追蹤手指!梗係以為有野食啦~而加MO仔真係好肥大!! 第二條係 火鳥 ,魚身漸變由白轉紅,魚背有一條好長的鮨,男朋友話係天線。 但佢情格好驚慌,一有人行近佢就佢逃返入洞,靜左先走出黎。 真係估唔到咁大條魚咁怕羞!(好難先影到佢張相架) 第三條亦都係《海底奇兵》的魚~~~~多莉~ 即係 藍吊 , 佢的性格亦係慌失失咁,好似卡通片的角色一樣架 唔好睇佢細細條,而加魚缸入面的魚,差不多佢係最貴架啦! 跟住就到 巴士 啦,唔知睇唔睇到呢? 佢好似有保護色一樣,企埋係石頭上面,真係睇佢唔到呀! 雖然佢奇貌不揚,但佢係魚缸入面的功能魚之一。 佢就係幫手清理啡苔的高手,如果唔係有佢,相影出黎應該會好DIRTY!!! 跟住最後一條魚就到 黃古B 了, 佢好鍾意挖洞藏身!佢黎佢收埋係佢自己,幾咁招積! 除左魚仔,仲有不斷努力爬行的 藍寄居蟹 , 今日佢就爬左上石頭最高點,要由水面先影到佢相! 海葵係MO 仔鍾意的地方,因為海葵可以幫佢按摩呀MA! 呢隻葵叫做奶咀,比較易養,養得靚的時候,佢會一個頭就會脹卜卜,好似奶咀咁啦~ 跟住到唔同形狀唔同顏色的珊瑚啦 皮革 ,而加開緊的時候,如果收埋哂的話,表面會好似一塊皮咁。 (真係唸唔到會變樣....神奇) 草皮 但毛毛出哂黎就係綠草如茵咁,但無燈光啦WO,就係一塊爛地嚕! 炮杖花 橙色的,開得最靚時係中間會有黃色的毛毛走出黎開飯! 紫菇 鈕扣 今日開得唔靚,縮埋一粒一粒咁, 如果開得夠靚會係好大,好螢光 最後一張全景 加送十幾秒的VIDEO,咸水魚同淡水魚,真係好唔同~太amazing了~! 閱讀更多
留言
發佈留言