親製~食唔死人之~海南雞飯

唔知有無人好似我咁
鍾意食雞鍾意到癲

成日都係突然之間掛住啲雞!

話說有一日...
俾我行經百記超巿
發現係煮材包的貨架上
出現呢一盒海南雞飯的材料包

立即~
隻眼發光~!
手好痕...
要買返屋企發揮小宇宙了!

買完呢一個材料包，要自己另外準備雞同米
雞呢..
因為我隻手無咩力的關係
都係唔向全隻雞挑戰..
買左一盒雞脾肉返去!

一來唔駛自己砍雞
二來食的時候可以啖啖肉~
諗起都開心呀

盒背有好清楚的中文instruction
唔怕唔識整

係整緊的過程中
最大的問題係...
！！！！浸雞時間！！！！

佢有一包雞湯包係用黎浸雞用的
但佢竟然要浸３０分鐘
咁咪咩肉都鞋哂啦！！！

（同埋。。佢係話全雞３０分鐘。。咁我啖啖肉。。。
我就偷雞。。浸左１５－２０分鐘左右。。。
睇唔過眼就拎起左了)

而海南雞飯的靈魂之一
雞油飯
佢係用浸雞水少少
再加村料包Ｂ的薑蓉煮成

好香好香。。。
流哂口水


成品：

成品個樣不太討好。。。因為然好似白灼雞
皮係白色的
做唔到街的黃皮
同埋肉質係減左時間之後一樣鞋。。
（其實１０分鐘係咪會好啲呢？）
係上碟時先淋上材料包Ｃ（麻油）
無咩錦上添花的感覺
只能話。。。
！！！！白灼雞一碟～！！！！

不過雞飯好出色，
好好味，
連續帶左幾日雞反返公司食。。。
一諗起又流口水了。。。

更要一讚的係
材料包入面的３款醬料

唔知大家知唔知
正宗的海南雞飯係配
黑醬油（唔係生抽～！）
辣椒醬
薑蓉（唔係油雞的薑蔥）

而佢的黑醬油
好對味
係好杰好黑
味道好濃的一種
點雞撈飯都好好味架～！

分享完～
多謝欣賞～