Iris Sasa / Beauty Recipe

尋晚同朋友去飲酒，去完洗手間出黎突然流鼻血， 第一反應係用接血，跟手就係搵紙巾啦， 但可憐的外套已經留有血跡。 一路以來，血跡都係難於清洗， 首先，一有血跡就要快啲清理，如果唔係蝕入布就好難清。 第二，最好就用溫水洗血跡，會比較易清。 之但係，好多時都會留左個血印... 而女仕們可能每個月都會面對血跡的問題... 我就一年入面至少有半年都會中招... 所以好怕買淺色的under..... 講返件外套，尋晚飲完酒返屋企，除左瞓之外就唔想做其他事， 又點會得閒去洗血跡呢。 醒左之後，望見血跡又唔多想理... 呢張相係...晚上10點影架啦...仲係鮮紅色的-0-,,,但已經錯過左「最佳清洗時間」啦!! 真係唔想為左一滴血放棄一件衫呢~ 好在~~~今日同家人係觀塘食生日飯， 去左APM 底下的吉吉島"前"10蚊店...而加的生活廣場 俾我發現到一點好野~ 女性專用洗劑...!!!($12/80ML) 寫到明一明...專洗生理期血跡~& 分泌物.... 明顥為洗底底而設呢XD~~~ 日本製造~!!!!(GOOD!) 唔理佢洗咩血啦....睇下對我件外套的血跡有無效好過啦~ 1. 血跡位置濕水 2.滴少少清洗劑落去 3.手搓起泡~(泡泡好少~!) 4. 過水~~~YEAH~~血跡唔見左...仲無印添!!! 我件衫復活了 (樽身說明話要過埋機~不過用手搓幾下就已經KO 左血跡，急不及待要SHARE 呢~) 其實吉吉島就有好野架~ 呢支女性清洗劑的同門產品，係好多SIS 都介紹過的粉樸清洗劑， 同樣係$12~ 佢的清潔能力~仲好過BB的清洗劑呢~ 雖然10蚊店加哂價， 不過仲有好多野係值得買的~!

九月尾去北海道，由九月頭開始已經處於holiday mood 所有心思都shift左去plan 旅行的事， 之前因為機位問題，曾經小度擔心，好在身邊有不少baby~ 仲有唔夠一個星期 機票，酒店，車，保險，行程，都一一搞掂， 因為去一個星期之多，所以臨行前要做好多功夫。 好多試用都無得試之餘，亦要清一清文債。 先讓大家看看我的行程，超級緊密。 第一日，香港→札幌(住札幌) 第二日，札幌(取車)→定山溪(拜見河童大王)→登別溫泉(地獄谷，大湯沼) (住登別溫泉酒店) 第三日，登別→洞爺湖→二世古(神仙沼看紅葉，高橋牧場飲牛奶)→晚上到小樽入住酒店 第四日，小樽(天狗山，運河，食壽司，悠閒的一天~) 第五日，小樽→層雲峽(上大雪山) 晚上亦住溫泉酒店 ((((同日係我生日呢~~~嘻~)))) 第六日，層雲峽→富良野(?睇下仲有花睇 OR 葡萄酒節)→札幌 第七日，札幌SHOPPING DAY (小觀光啦XD) 第八日，札幌最後衝刺→回香港 計劃行程時本來想去埋網走，睇九月尾獨有的紅珊瑚草， 但大遠大浪費時間，最後只好忍痛了~!!! 唔知大家有無相關北海道經驗，好好傳授小妹~ 另外就係~~ 去旅行亦人一個好好利用SAMPLE 的時間， 除左一些原有的SAMPLE 外， 都四出貪小便宜一番， 無他，我去旅行會當順道幫屋企做五常... 衫褲，護膚品，能用到係當地掉就掉， 帶一堆戰利品，新品回來~ 我的SAMPLE 大集合! 有右手邊的 natio 旅行set ，話過要帶你去旅行的~ 我很愛的DIOR，BASE+粉底+干粉的SAMPLE 其中干粉的SAMPLE非常有誠意，唔係一張紙一次性的sample 粉餅有食3g 係正常粉餅的1/10 左右~ 除左粉底，也有精華，BB CREAM (其實都可以帶埋原有的BB CREAM，應該好快用哂~) 也有GUERLAIN 的精華，眼霜 有位baby 大愛這牌子，等我今次試下先 只有之前去 aster spring 的dermalogica 終於有機會用了 fancl cleansing oil 早2日係shu facebook 的sample 活動， 有綠茶cleansing oil, essence 同新配方的粉底 biotherm aquasource 保濕唔嫌多 mioggi 最新的bb cream又可以試新野了~ 當然唔少得我的至...

上一個星期五(19/8)...去完做BODY TREATMENT... 十級慘回家 不只俾男朋友大罵， 更係身上留下可怕的瘀傷， 係人睇到都怕怕。 重溫一下 :照住鏡，我就傷心了... 星期六一朝起身(20/8)， 條頸又痛又緊 都唔太緊要 最大問題，一束起頭髮，真係OMG!!!! 出左篇文，迴響都幾大。 星期日(21/8)輪班返工， 同事話睇完我的BLOG，一早見面就關心下我~! 佢親身睇到都話誇張 同事超級好，LOCKER 有支"大支裝" "特強" 喜療妥 就拎俾我返屋企搽 搽完後第2日~星期一(22/8)， 好難過...要正式返工對病人... 束起頭髮超明顯 唯有成日都唔束起頭髮啦... 真係唔見得人呀！ 星期二(23/8)， 醜婦終需見家翁， 天氣咁熱，唔束頭髮返工好辛苦， 把心一橫， 死就死啦！！！！ 又要十個喊啦， 點解啲病人咁關心我條頸架。。。。。 可唔可以唔好咁留意姑娘呀。。。。 每次病人問：「 姑娘，你條頸做咩呀？好痛呀？？ 」 我：「 唔好問我點解，唔好問，千祈唔好問 」 唔係怕對做病人認低威，話自己要去拔罐。。 而係，「如果真係因為痛到要拔罐都還好，但我唔係～！！點解要咁呢＞＜！！」 星期三(24/8) 努力搽左特強喜療妥4日啦 真係真係，仲有少少印， 不過已經差好遠啦 好返好好好好好多了 有相為証~! 有咁的成果，真係多謝同事俾支好野我~!!(特強喜療妥) 鍚哂你呀~ (唔知你幾時睇到呢~) 仲有真係多謝各位朋友姊妹的關心~~好WARM~

我傷心了， 照鏡見到自己，簡直想 ... 想喊係因為頸後的祕密.... 話說星期五放工後去左之前介紹的CENTER 做淋巴按摩 之前JOIN 左COURSE 送一PART 機 而呢一PART 機叫"VRF" 係用SUCTION 的原理黎做按摩 而MIKO 一心諗住幫我 見我頭痛左成個星期， 就提議幫我吸一吸個肩頸啦... 起初都不以為以， 一吸一放咁吸上背 但問題就黎啦... 吸到咁上下就轉左用"continuous mode" 去到頸就直情吸住唔放咁滯.... 真頭好似「拔罐」一樣。 完左TREATMENT 之後，SALES KOBY 想SELL 我JOIN... 對唔住，我真係零興趣... 何況我本身自己都識「拔罐」 如果真係要做，我大可叫男友幫手... 更甚...而加條頸變成咁... 星期一返工點算... 你話我咩多骨火咩身體唔好都好啦... 瘀到咁都唔知點好 返工又要束起頭髮... 尋晚返到屋企已經要敷冰消腫降溫 今日下午就做埋「超聲波」 希望紅印快D 散，條頸唔好再咁緊~!!! 最後送上小圖 之前PARTY化的深藍色眼妝~ 仲係未捨得用DIOR 會E/S

父母同為浙江人，自小已經超愛吃浙派美食 炒年糕，獅子頭，上海餛飩，從少就吃， 至廿五年頭，百吃不厭。 八月十七日，男朋友說要給在家中園地採摘的「有機」龍眼， 親拿給我媽咪，並相約晚上吃飯， 於是我就選擇了位於APM 的「 王家沙 」 因為早有聽聞，食物水準不錯，所以下年就打電話訂枱 很好可以訂即日的枱，但可選的時間只有 六點半 & 八點半 其餘時間就要WALK IN 了 亦規定了 一個半小時交枱時間 內裡裝潢是黑，白，黃為主調， 由於訂枱關係，固安排坐於「卡位」 比較舒適~! 是日點菜 蒜泥白肉卷，涼盤。 以白肉包裹蘿蔔等蔬菜， 白肉上淋上蒜泥汁， 不會過辣，過有清新口感 值得一試，但不會一試再試。 上海醬鴨，涼盤小食。 男朋友最喜歡的味道， 其實因為像極「臘鴨脾」 本人嘛，一般。 蟹粉小籠包，蒸點。 絕對不需多介紹， 本人至愛！ 一口咬下去，直接被湯沖灼傷， 直呼，爽~!!!(變態嗎????) 湯汁，超級鮮味，蟹粉的功勞也！ 正點！ 醬燒排骨炒年糕。 從少愛吃年糕，家中煮法多以津白炒， 我也會煮， 但在街外，往往都會吃些更濃味的， 今次試上的排骨年糕，味道不錯， 但奇怪的，排骨比年糕還要多， 不是味兒...... 瑤柱賽螃蟹 已經變成尋常上海菜， 沒太多驚喜， 是日最可有最無的一道菜 餛飩雞。 雞湯，金華火湯，餛飩，小棠菜， 湯頭不錯，清甜。 但母親大人，一咬餛飩， 已經斷定是「來貨」 失望呢。 高力豆沙，甜品。 至荃灣某間店沒賣高力豆沙後， 已經吃不到好吃的高力豆沙。 每次到上海店子都抱著一絲希望。 但今次又再失望了。 高力皮不夠綿， 但還好沒有「油」味 比很多店子都要好。 一行三日，足足吃了七道菜， 本來以為「王家沙」是價錢小高，份量小 沒想到，每道菜都大大碟， 肚皮好橕～！！！ 小遺憾：至媽媽生病以後，她不吃雞，不吃魚，也從不吃牛，所以沒食到我最愛的醉雞，醋溜魚。 但點都好，跟媽媽吃飯，還是很開心！ 食咩都好開心！

早前興起的《高登神獸卡》熱潮， 以致出現一大堆〈神獸〉 社交網絡一連幾星期都有人引用呢一堆《神獸》 而最有趣，絕對係神獸們的敍述。 之前有幸抽中了《東周刊》的愛情神獸卡， 早前直接寄到家中， 今日就同大家分享一下， 愛情的神獸啦~ 神獸卡一套四張 1. 真的戀愛烏 - REALLY IN LOVE BIRD 祝未有情人的，都快D「蟹后」一段好的「猿份」，咁就「真的戀愛鳥」 2. 掛住狸 - HANGING FOX 而有情人的，當然成日會「獅念」情人，日日講「掛住狸」啦 3. 對狸愛不猿 - LOVE CARP NEVER END APE 情到濃時，無法分開，就真係「對狸愛不猿」啦 4. 天長地狗 - LONG SKY FLOOR DOG 最後祝大家和情人「天長地狗」 分享完畢~~ 雖然得啖笑~ 但真係要讚下香港人的創意。