一根手指治病(春滯腹脹篇)

成日食到飽飽滯滯...谷住谷住唔舒服?
一到夏天就覺得又濕又熱?
腸胃又怪怪地...便便又唔暢順??

食完好多西藥成藥天然藥..咩都試勻哂
效果都唔明顯??



究竟係呢種春夏交替的時間，搞緊邊科呢??
以中醫理論為解說
跟據中醫基礎理論上，
可以用上五行黎解釋。
春天為木，木曰曲直，有升發、生長、能屈能伸，喜條達舒暢的特別
但除五行有相生之外(木生火)，亦有相剋。
而相剋理論中，木係剋土的 (想像植物吸收土壤中養分，使地力漸貧乏)

咁所以係春天的時間，
木剋土，土的五藏為脾，腑為胃
咁就好易有脾虛胃弱的問題啦。

 





咁脾虛又點解會令到個人濕濕滯滯呢？
想知點解，我地要先了解脾的特性，
係西醫黎講，脾只係一個儲血的地方，
但中醫的脾，係五臟六腑～五臟之一，
一啲都唔少野架。

脾主運化，主升清，主統血

最主要影響濕滯的係脾「運化」的功能
1.          運化水谷：對飲食物的消化，化為精微，以及對精微物質的吸收和輸佈的作用。
如果脾的運化水谷功能減退，機體消化吸數因之而失常，而出現腹脹，便溏（稀便），食欲不振的情況
2.          運化水液：指脾有吸收、輸布水液，防止體內停滯的作用。如果脾運化水液的功能減退，必然導致水液不能布散而體內停滯，產生濕痰飲等病理產物，或發為水腫。


脾和胃的關係？
中醫上，脾胃係屬臟腑表里關係
兩者納運協調，升降平衡，燥濕相濟，共用完成飲食物的消化吸收和精微的輸布，合稱「後天之本」
在病理上，兩者可互相影響。
例如脾為濕困，運化失職，可影響胃之「受納和降」。
（所以春日，胃口特別差呢！！食極都好似唔消化～！）
另外，飲食失節、食滯胃脘，也會影響脾的升清和運化，會惡心嘔吐與腹脹泄瀉同時出現。


唔知講左咁多之後，對身體的明白有幾多
始終係中醫一套理論，要一時三刻明白係有啲難度
但接住落，最緊要的當然係貼題啲


點樣用一隻手指ＫＯ呢Ｄ　問題！！

中醫的治療入面，係要〝治標又治本〞的～！
所以今次教大家穴住按摩
而用邊啲穴位呢？


治則：
培土制水法
以溫運脾陽治療水濕停聚為病的一種方法
適用於脾虛不運，水濕泛濫而致水腫脹滿之証
但注意，土指脾，水是指水濕邪氣，非指腎

今次我就介紹一下以脾胃經為本的治（自）療法啦

足陽明胃經
豐隆（ＳＴ４０）
小腿前外側，小腿正中。
治療頭痛、眩暈、嘔吐、便祕、水腫
 
足三里（ＳＴ３６）
胃經合穴，胃下合穴，四總穴。保健要穴。
小腿前外側，膝眼下３寸（４橫指）。
治療胃痛、嘔吐，腹脹，泄瀉、便祕
 
天樞（ＳＴ２５）
大腸募穴。
在腹中部、平臍中、距臍中２寸（２橫指）
治療腹脹腸嗚、繞臍痛、便祕、泄瀉、肥胖症
 
水道（ＳＴ２８）
天樞下３寸（４橫指）
 
足太陰脾經
陰陵泉（ＳＰ９）
小腿內側，當脛骨內側髁後下方凹處。
利濕要穴。
治療腹脹、泄瀉、水腫、黃疸、小便不利或失禁、膝痛。
 
大橫（ＳＰ１５）
足太陰與陰維脈交會穴。
腹中部、距臍中４寸
治療肥胖症、泄瀉、便泌、腹痛。
 
任脈
中脘（ＲＮ１２）
上腹部，正中線上，臍上四寸
主治胃脘痛，腹脹、嘔吐、反胃，吞酸、納呆、食不化、疳積、膨漲
 
按摩方法：
手指按壓穴位，輕推到有酸軟感覺、維持１－２分鐘。
每天一次！




呢篇文打得好辛苦，
全部內容都係學習得黎的結論，
希望幫得到大家

記住中醫穴位的治療，因人而異
可以各有不同。
一般黎講，同一個毛病，可以有好多套不同的穴位來治療
而加所學的宗旨係，用最少的針，最少的穴位
去得到最大的效用

如果大家覺得有用，或者會幫到身邊的人
記得留言同推一下～
有你地的支持，我先有動力再出下一篇的「一根手指治病」
多多支持啦～


圖片來源：大展出版社《圖解針灸經絡穴位》,iPhone App iMeridian