Santorini Sunshine ~旅行之防曬及護理！

I

嘻嘻～～終於都去左Dream Place旅行
呢到就係非常有名的藍頂小白屋之地～希臘的小島Santorini

9月尾去到，當地的天氣非常好
藍天呀藍天！

除左天個天靚，太陽真係超級強勁
基本上每日將塊面搽到白一白的防曬都好
都一樣會曬黑呢～


本身都唔係白底，一曬就黑架啦
但一個下午，己經曬左一隻手錶出黎啦！！！
今次唔係一篇試用文～係純粹分享今次旅行所用的美白防曬產品～！

嗱～呢3支就係我帶去Santorini所用的防曬
雖然大家可能覺得，「咁都曬得黑，啲防曬一定好唔得啦」

但係呢～我一啲都無怪防曬防唔掂
而係當地的熱頭真係毒爆
搽左防曬唔係望佢唔黑，只望佢唔好出斑咋！

由左至右～
CLINIQUE BODY CREAM SPF50 （試用品－1年前）：好杰身，會泛白的一支防曬，有太陽油味道，用於身體，防曬效果不錯，膚色有變黑，但沒有曬傷。適合沙灘／大陽光的時候用  （平日用就太heavy了）

KANEBO ALLIE UV MINERAL MOIST NEO，SPF50+ PA＋＋＋＋（自費，購自日本）：
係日本係非常大熱，好用的防曬產品之一。質地比較薄身，會泛白有光澤感的。沒有太陽油味道，有微量酒精味道，但我的敏感肌不會發作。防曬效果很好，雖然也有變黑，但可以接受，可用於面部及身體，適合日常使用。

HELIOCARE ADVANCED XF GEL （自費，購自NEO DERM BEAUTY BOX）：
來自NEODERM 旗下的醫美品牌之一，是有極高推介值的防曬產品之一
有調色效果，質地就是有色的啫喱。沒太陽油味道
防曬效果UNKNOWN！
我今次只係拎左呢支防曬黎搽腳～
點解？
因為我用上面會敏感～（產品使用效果因人而異）
所以～無計啦，再好用，再多人推介都同我無緣～
搽完腳都係留左佢係希臘的酒店～掰




曬紅啦，曬黑啦！
好彩我今次帶左蘆薈啫喱同行

明知大大陽光，呢個蘆薈啫喱真係唔少得

DEWYTREE GREEN Power ALOE SOOTHING GEL (試用品－約半年前？）：
基本上蘆薈啫喱唔需要多介紹，總之曬後都要來一罐
薄搽一層當保濕又得，厚厚一層當紓緩面膜都  十。分。推。介
咩牌子都唔太重要，最緊要蘆薈成份夠高 （呢雙牌子有98％ ＠＠！）
同埋價錢夠平，大手大手咁用，千祈唔好客氣呢～




好啦～講完哂旅行用的產品啦
返到香港，有理無理，衝去買美白的產品
用落面的產品，屋企已經夠多，亦一直有用
所以就唔講啦
要講就講新買架啦
唔係啲咩貴野，主要就係針對身體美白
一支就係Enchanteur 的美白保濕淋浴露，另一支就係Vaseline的 Healthy White  body Lotion

淋浴露是玫瑰花香的味道，滋潤保濕度很好，但香味比較強烈的花味，並不是我杯茶
如果有果香的美白淋浴露我會更喜歡～可惜搵唔到


而body lotion，香味不重～合格，保濕效果合格～
但絕對唔會4倍即時亮白呀～
暫時分享係咁多～
如果大家有咩身體美白的推介俾我～記得同我講聲啦：）

有事找我嗎~=3=~Email: iris.itly@gmail.com


留言

發佈留言

此網誌的熱門文章

親身體驗～水刀抽脂＋自體脂肪移植（１）：已經三星期啦～

圖片
Iris 真係一個天不怕地不怕 (除左怕曱甴)的女生～ 今次就親身體驗「 水刀塑身 」這門新來港的技術！ 這個技術不算得上新的技術，台灣的藝人普遍都做過水刀塑身，如雞排妹~小CALL 等等 但對香港來講，就算是新引入啦～! 有關水刀塑身的資料～可回顧我之前出席活動的BLOG~ http://blog.yahoo.com/iris_sasa/articles/1051069/index 而用上水刀抽脂的最大好處，就係抽脂的創傷性比傳統式抽脂小，恢復時間快 抽出來的脂肪，經處理後可直接用來進行移植~而移植去邊? 你懂的！  Iris 5月11日~ 就到了 仁安醫院 進行水刀抽脂+脂肪移植的手術啦～ 當然係手術前已經Consult 過整型外科的醫生啦~ 今次為我進行手術的醫生～ 是 張永融醫生 ~以及~ 彭志宏醫生 準確入手術室，心情超級緊張~ 今次手術目標：抽大腿內外側脂肪，下腹脂肪，移植到胸～～ＸＤ 過程：全身麻醉  約２點進入手術室，經麻醉科醫生進行初步評估～ 就可以進行麻醉了～（０９年我己經進行過全身麻酸醉切扁桃腺～無敏感問題，所以好快就完成程序） 全身麻醉，需要打Hep Block~麻醉藥會經Hep Block 入血~感覺是有一點痛，但一覺痛的時候，就已經...睡著了～! 約5點鐘，我就睡醒可以返病房了～返到黎己經著住「壓力衣」了~~~~ 當日感覺：雙腳有點酸痛，但口渴要飲水！！落地～無問題 而胸呢？？脹卜卜～比谷Ｍ脹足１０倍～！！ 5月11日~手術後第二日～ 除左壓力衣洗傷口，大腿好瘦~wow!! 每日要洗傷口，食抗生素，著壓力衣....開始我的術後生活了! 但好動的我，第二日己經忍唔到要出院啦~還我自由！！！  5月12日 >星期一< 我已經返工啦～行樓梯，同病人行路都無問題～ 大腿感覺會點脹脹，敷冰消腫＋壓力衣＋壓力襪 這方面，我還是Professional 吧~ 5月13日 行得多左~隻腳開始有水腫了~~ 比之前睇落無咁瘦呀可? 又到專業時間，大腿內側勁瘀點算好~ 用左「肌內效膠貼KinesioTapeing」幫忙散瘀~ 咁樣貼法，可以好快引啲瘀出黎架~ 短短3日~啲瘀就走哂出黎啦!!!  另一消腫方法～倒吊!!
閱讀更多

吉吉島12$ 女性清潔劑~洗血跡。快。靚。正。

圖片
尋晚同朋友去飲酒，去完洗手間出黎突然流鼻血， 第一反應係用接血，跟手就係搵紙巾啦， 但可憐的外套已經留有血跡。 一路以來，血跡都係難於清洗， 首先，一有血跡就要快啲清理，如果唔係蝕入布就好難清。 第二，最好就用溫水洗血跡，會比較易清。 之但係，好多時都會留左個血印... 而女仕們可能每個月都會面對血跡的問題... 我就一年入面至少有半年都會中招... 所以好怕買淺色的under..... 講返件外套，尋晚飲完酒返屋企，除左瞓之外就唔想做其他事， 又點會得閒去洗血跡呢。 醒左之後，望見血跡又唔多想理... 呢張相係...晚上10點影架啦...仲係鮮紅色的-0-,,,但已經錯過左「最佳清洗時間」啦!! 真係唔想為左一滴血放棄一件衫呢~ 好在~~~今日同家人係觀塘食生日飯， 去左APM 底下的吉吉島"前"10蚊店...而加的生活廣場 俾我發現到一點好野~ 女性專用洗劑...!!!($12/80ML) 寫到明一明...專洗生理期血跡~& 分泌物.... 明顥為洗底底而設呢XD~~~ 日本製造~!!!!(GOOD!) 唔理佢洗咩血啦....睇下對我件外套的血跡有無效好過啦~ 1. 血跡位置濕水 2.滴少少清洗劑落去 3.手搓起泡~(泡泡好少~!) 4. 過水~~~YEAH~~血跡唔見左...仲無印添!!! 我件衫復活了 (樽身說明話要過埋機~不過用手搓幾下就已經KO 左血跡，急不及待要SHARE 呢~) 其實吉吉島就有好野架~ 呢支女性清洗劑的同門產品，係好多SIS 都介紹過的粉樸清洗劑， 同樣係$12~ 佢的清潔能力~仲好過BB的清洗劑呢~ 雖然10蚊店加哂價， 不過仲有好多野係值得買的~!
閱讀更多

Happy Fish Many Happy Fish~

圖片
我家的咸水魚缸~ 咸水魚令我覺得，海底的生命真係好奇妙，魚、珊瑚、海葵、寄居蟹，顏色鮮艷奪目，真係好靚！   第一日要介紹的魚就係《海底奇兵》入面的 NEMO ~MO仔啦~ 品種係 小丑魚 ~真係好得意~游緊的時候魚左右擺動~好似扭腰咁 同埋佢好識追蹤手指！梗係以為有野食啦~而加MO仔真係好肥大!!  第二條係 火鳥 ，魚身漸變由白轉紅，魚背有一條好長的鮨，男朋友話係天線。 但佢情格好驚慌，一有人行近佢就佢逃返入洞，靜左先走出黎。 真係估唔到咁大條魚咁怕羞！（好難先影到佢張相架） 第三條亦都係《海底奇兵》的魚～～～～多莉～ 即係 藍吊 ， 佢的性格亦係慌失失咁，好似卡通片的角色一樣架 唔好睇佢細細條，而加魚缸入面的魚，差不多佢係最貴架啦!    跟住就到 巴士 啦，唔知睇唔睇到呢？ 佢好似有保護色一樣，企埋係石頭上面，真係睇佢唔到呀！  雖然佢奇貌不揚，但佢係魚缸入面的功能魚之一。 佢就係幫手清理啡苔的高手，如果唔係有佢，相影出黎應該會好DIRTY!!!    跟住最後一條魚就到 黃古B 了，  佢好鍾意挖洞藏身！佢黎佢收埋係佢自己，幾咁招積! 除左魚仔，仲有不斷努力爬行的 藍寄居蟹 ， 今日佢就爬左上石頭最高點，要由水面先影到佢相！ 海葵係MO 仔鍾意的地方，因為海葵可以幫佢按摩呀MA! 呢隻葵叫做奶咀，比較易養，養得靚的時候，佢會一個頭就會脹卜卜，好似奶咀咁啦~    跟住到唔同形狀唔同顏色的珊瑚啦   皮革 ，而加開緊的時候，如果收埋哂的話，表面會好似一塊皮咁。 (真係唸唔到會變樣....神奇) 草皮 但毛毛出哂黎就係綠草如茵咁，但無燈光啦WO，就係一塊爛地嚕!   炮杖花 橙色的，開得最靚時係中間會有黃色的毛毛走出黎開飯！   紫菇   鈕扣 今日開得唔靚，縮埋一粒一粒咁， 如果開得夠靚會係好大，好螢光 最後一張全景 加送十幾秒的ＶＩＤＥＯ，咸水魚同淡水魚，真係好唔同～太amazing了~!
閱讀更多